در آستانه‌ی سی‌و‌مین سال‌گرد استقلال تاجیکستان، امام‌علی رحمان رییس جمهوری این کشور به شهید صلح برهان‌الدین ربانی و احمدشاه مسعود قهرمان ملی کشور، نشان درجه یک اسماعیل سامانی را اعطا کرد.
نشان اسماعیل سامانی، بلندترین نشان دولتی تاجیکستان است که به دستور رییس جمهوری این کشور به پاس تلاش‌های موفقانه شهید صلح و قهرمان ملی در راستای برقراری صلح میان تاجیکان در سال‌های ۱۹۹۲ تا ۱۹۹۷ اهدا شده‌است.
اما آنچه برای اوضاع فعلی افغانستان مهم پنداشته می‌شود، استفاده از تجربه صلح تاجیکستان است.
بسیاری‌ها صلح تاجیکان را یک پدیده بی‌نظیر و یا کم‌نظیر می‌‍خوانند، چون آن‌ها توانستند در مهلت نسبتا کوتاه در جریان مذاکرات خود به توافق برسند و به جنگ داخلی پنج ساله پایان دهند.
در این برنامه، گرداننده شمس امانی با آقایان عبدالمقدم امین تحلیل‌گر مسایل سیاسی، عبدالرحمان الهی استاد دانشگاه و حیات‌الله موساخیل آگاه روابط بین‌الملل گفت‌وگو کرده‌است.