امام‌علی رحمان رییس جمهوری تاجیکستان در یک نشست خبری مشترک با عمران‌خان، نخست وزیر پاکستان اعلام کرده که کشورش آماده است از گفت‌وگوهای صلح بین طالبان و جبهه مقاومت به رهبری احمد مسعود میزبانی کند.
عمران‌خان در این نشست، با آنکه نزاع پنجشیر را نگران کننده خوانده، تاکید کرده که تاجیکستان از طریق تاجیک‌ها و پاکستان از طریق پشتون‌‌ها که دولت طالبان است، تلاش‌های خود را برای حل این معضل از راه گفت‌وگو انجام خواهند داد، آقای خان اعلام کرده که رای‌زنی‌ها را با طالبان آغاز کرده‌است.
از سوی دیگر، کشورهای عضو سازمان همکاری‌های شانگهای با آنکه تحول افغانستان را به‌دلیل عدم خونریزی یک گام مثبت خواندند اما همه بر تشکیل دولت فراگیر در افغانستان تاکید کردند، چین و روسیه از تمایل‌شان برای برقراری ارتباطات با طالبان خبر دادند.
در همین حال، در یک رویداد بی‌پیشینه در حاکمیت یک‌ماه‌ی طالبان، کاروان نیروهای طالبان در ننگرهار هدف سه انفجار قرار گرفت.
در این برنامه، گرداننده شمس امانی با آقایان داوود عابدی رییس شورای صلح ملت افغانستان، عمر نهضت رییس حزب آما و باقر حسینی معاون حزب حرکت اسلامی افغانستان گفت‌وگو کرده‌است.