پس از تسلط طالبان بر افغانستان، حکومت سرپرست به تازه‌گی در ولایت‌های بدخشان، کندز و تخار، واحد نظامی را زیر نام کندک‌های استشهادی لشکر منصوری برای برقراری امنیت در مرزهای کشور، ایجاد کرده است. این اقدام تازه امارت اسلامی، نگرانی برخی از همسایه‌های افغانستان به ویژه تاجیکستان را بر انگیخته است، دوشنبه در تازه‌ترین مورد […]

پس از تسلط طالبان بر افغانستان، حکومت سرپرست به تازه‌گی در ولایت‌های بدخشان، کندز و تخار، واحد نظامی را زیر نام کندک‌های استشهادی لشکر منصوری برای برقراری امنیت در مرزهای کشور، ایجاد کرده است.
این اقدام تازه امارت اسلامی، نگرانی برخی از همسایه‌های افغانستان به ویژه تاجیکستان را بر انگیخته است، دوشنبه در تازه‌ترین مورد تمرینات نظامی را در روزهای چهارشنبه و پنج‌شنبه در نزدیکی مرز افغانستان اجرا کرده‌است.
به‌دنبال این تمرینات نظامی از سوی نیروهای مرزی تاجیکستان، و ایجاد کندک‌های استشهادی از سوی امارت اسلامی در مرزهای تاجیکستان، روسیه از تاجیکستان و افغانستان خواسته که هر نوع اختلاف میان دو کشور را به طرز قابل قبول دو طرف حل کنند.
خبرگزاری دولتی روسیه به نقل از وزارت خارجه روسیه گفته که براساس اطلاعات که طالبان به دست داده اند، ده‌ها هزار نیروی ویژه طالبان در ولایت‌های هم‌مرز با تاجیکستان مستقر شده‌اند.
این در حالیست که پیش از این مقام‌های امارت اسلامی بارها از دخالت تاجیکستان در امور داخلی افغانستان انتقاد کرده‌اند.
در این برنامه، گرداننده شمس امانی با آقایان جنرال صادق شینواری نظامی پیشین، فضل‌الرحمان اوریا روزنامه‌نگار و سلیم پیگیر رییس حزب متعهد فکری افغانستان گفت‌وگو کرده‌است.