سید ابراهیم رییسی رییس‌جمهور ایران که به منظور شرکت در نشست هم‌کاری اقتصادی اکو به ترکمنستان سفر کرده است دیروز 〈یک‌شنبه، ۷ قوس〉 با امام علی رحمان رییس‌جمهور تاجیکستان دیدار و گفت‌وگو کرد.

رییسی در این دیدار با اشاره به مواضع ایران درباره‌ی افغانستان گفته است که مواضع ایران و تاجیکستان در قبال کشور افغانستان روشن است. وی تاکید کرده است که کشورش از تشکیل دولت فراگیر واقعی در افغانستان که همه مردم، اقوام و گروه‌های سیاسی افغانستانی را نمایندگی کند استقبال می‌کند. آقای رییسی هم‌چنان می‌گوید که داعش برای منطقه ناامنی ایجاد می‌کند و این گروه دست پرورده‌ی آمریکایی‌ها است. درهمین حال، امام علی رحمان رییس‌جمهور تاجیکستان تاکید کرد که همه اقوام و گروه‌ها باید در دولت افغانستان حضور داشته باشند و دولت این کشور نماینده تمامی اقوام این کشور باشد.