وزارت دفاع امریکا اعلام کرده که چرخبال‌های ارتش حکومت پیشین افغانستان که به کشور‌های تاجیکستان و اوزبیکستان برده شده‌اند به امارت اسلامی داده نمی‌شوند.

جان کربی، سخن‌گوی وزارت دفاع امریکا روز گذشته در یک نشست خبری گفته است که  این چرخبال‌ها به افغانستان فرستاده نخواهد شد تا توسط امارت اسلامی از آن استفاده شود. آقای کربی افزود که هنوز در مورد سرنوشت نهایی این چرخبال‌ها ازسوی حکومت امریکا تصمیم گرفته نشده است. این درحالی‌است که پیش از این امارت اسلامی از کشور‌های تاجیکستان و اوزبیکستان خواست که چرخ‌های ارتش را به افغانستان بازگردانند.