در ادامه هشدارها از وضعیت بد اقتصادی افغانستان و بشری در کشور، کمیته بین‌المللی صلیب سرخ در صفحه توییتر خود نگاشته است که، برای جلوگیری از وخامت اوضاع بشری، به سرمایه گذاری بیش‌تر در افغانستان نیاز است.

در همین‌حال، صندوق جمعیت سازمان ملل متحد نیز، ابراز داشته که ۹۵ درصد جمعیت افغانستان در گرسنگی به سر می‌برند و این نهاد در ادامه افزوده که در آستانه زمستان پیش رو، به فراهم کردن نیازمندی‌‌های شهروندان افغانستان ادامه می‌دهد.

گفتنی‌است که، برنامه جهانی غذا، زمستان امسال را شدید پیش‌بینی کرده و گفته که به خدماتش برای فراهم کردن مواد غذایی به شهروندان افغانستان ادامه می‌‌دهد. این در حالی‌است که، شماری از سازمان‌های مددرسان جهانی‌ با هشدار از فرارسیدن زمستان سخت، خواهان کمک مالی بیش‌تری به شهروندان افغانستان شدند.