بخش عمده انرژی برق افغانستان از منابع خارجی تامین می‌شود. طبق آمارهای شرکت ملی برقی‌رسانی، افغانستان در طول سال‌های گذشته همواره در حدود ۸۰ درصد برق خود را از کشورهای اوزبیکستان، تاجیکستان ترکمنستان و ایران وارد کرده‌است. اوزبیکستان در این میان بیشتر از همه به افغانستان برق صادر می‌‌کند. در همین‌حال، صفی‌الله احمد زی، رییس […]

بخش عمده انرژی برق افغانستان از منابع خارجی تامین می‌شود. طبق آمارهای شرکت ملی برقی‌رسانی، افغانستان در طول سال‌های گذشته همواره در حدود ۸۰ درصد برق خود را از کشورهای اوزبیکستان، تاجیکستان ترکمنستان و ایران وارد کرده‌است.

اوزبیکستان در این میان بیشتر از همه به افغانستان برق صادر می‌‌کند. در همین‌حال، صفی‌الله احمد زی، رییس عملیاتی شرکت برق‌رسانی افغانستان در برنامه حساب‌دهی به ملت از افتتاح سب‌استیشن چمتال به‌ارزش ۶۰ هزاردالر در آینده نزدیک خبر داد.

درهمین‌حال، حکمت‌الله میوند، سخنگوی شرکت برق‌رسانی افغانستان همچنان بیان کرده است که در یک سال گذشته ۱۴۹۶ جریب زمین مربوط به این شرکت در ولایت‌های کابل، ننگرهار، پروان و بغلان وهمچنان ۴۶ ساختمان در ولایت‌‌های کابل و بلخ را از نزد غاصبان گرفته شده‌است. وی همچنان افزوده است که درسال گذشته ۳۳ میلیارد افغانی به‌خزانه دولت انتقال یافته است.

تامین برقِ دوامدار یکی از چالش‌‌های است که حکومت افغانستان تا هنوز بر آن موفق نشده است. شهروندان افغانستان، به‌ویژه در کابل، بسیاری از شب‌‌ها و روزهای زمستان با مشکل بی‌برقی روبه‌رو می‌‌شوند. این مشکل سال‌هاست دامن‌گیر افغانستان بوده‌است.