پس از به قدرت رسیدن دوباره‌ی امارت اسلامی در کشور، شماری از کشورهای همسایه با ابراز نگرانی از تهدیدهای امنیتی از خاک افغانستان، نیروهای مرزی خود را افزایش داده اند.

درهمین حال، امریکا تمرینات نظامی را روز 〈چهارشنبه،۱۹ اسد〉 تحت نام همکاری منطقه‌ای ۲۲ که هدف آن مبارزه مشترک با تروریزم و همکاری چندجانبه این کشور‌ها به خاطر امنیت است، در شهر دوشنبه پایتخت تاجیکستان آغاز کرد. در این تمرینات که تا ۲۰ ماه آگست ادامه خواهد یافت، افزون بر امریکا، شش کشور آسیای مرکزی و جنوبی از جمله که تاجیکستان، قزاقستان، قیرغزستان، منگولیا، اوزبیکستان و پاکستان شرکت دارند. این تمرینات در حالی آغاز شده است که شماری از کشور‌های آسیای میانه به‌شمول تاجیکستان و اوزبیکستان از فعالیت‌های تخریبی از خاک افغانستان نگران اند. این نگرانی‌ها در حال مطرح می‌شود که امارت اسلامی همواره تاکید کرده که اجازه نمی‌دهد که از خاک افغانستان تهدیدی علیه هیچ کشوری صورت بگیرد.

در حالی آمریکا تمرینات نظامی را در تاجیکستان اغاز کرده که تاجیکستان یک کشور پایبند به روسیه است، اما تاجیکستان تلاش می‌کند امریکا و دیگر کشور‌های غربی را که همه ساله میلیون‌ها دالر که به این کشور کمک می‌کنند، از خود دورنکند.

این تمرینات از سال ۲۰۰۴ به این سو همه ساله در یکی از کشورهای اشتراک کننده برگزار می‌شود.

شماری دیگری از آگاهان نظامی می‌گویند که نبود یک حکومت مشروع در کشور دلیل اصلی نگرانی شماری از کشورهای همسایه است و این کشورها را وادار به اقدامات برای تامین امنیت کشورشان کرده است.

امریکا تمرینات نظامی با حضور شش کشورهمسایه‌ای افغانستان را در حالی آغاز کرده که پس از به قدرت رسیدن دوباره‌ی امارت اسلامی به کشور گروه داعش مسوولیت شلیک راکت به سمت خاک تاجیکستان و اوزبیکستان را به عهده گرفت و امارت اسلامی در ماه جولای گفت که پنج عضو گروه داعش را در ولسوالی امام صاحب ولایت کندز بازداشت کرد که بر تاجیکستان و اوزبیکستان راکت شلیک کرده بودند.