مسوولان محلی ولایت غور از ادامه عملیات تصفیوی نیروهای امنیتی در منطقه که طالبان دیروز شماری از سرنشینان یک موتر را تیرباران کردند، خبر داده اند. این در حالیست که روز سه شنبه هفت سرنشین یک موتر فلاینگ ‌کوچ در منطقه بره خانه شهر فیروز کوه مرکز ولایت غور توسط افراد مسلح تیرباران شدند. والی غور افراد وابسته به گروه طالبان را مسوول این کار دانسته می‌گوید که، عملیات تلاشی برای به دست آوردن معلومات و جزییات این رویداد ادامه دارد.