صلاح الدین ربانی وزیر امور خارجه کشور در جریان سفر رسمی اش به دوشنبه، پیش از چاشت امروز با امام علی رحمن رییس جمهور تاجیکستان، دیدار و گفتگو کرد.

به اساس معلومات دفتر رسانه ای وزارت امور خارجه، رییس جمهوری تاجیکستان با اشاره به فرصت های مساعد منطقوی برای همکاری های متقابل اقتصادی میان کابل و دوشنبه، اطمینان داده است که تاجیکستان به دوام روابط حسنه با افغانستان متعهد است. در همین حال، وزیر امور خارجه کشور، در باره دستاوردهای نظامیان کشور در راستای مبارزه با تروریزم به آقای رحمان معلومات داده و تأکید کرده است که افغانستان خواهان همکاری گسترده با تاجیکستان در عرصه های مختلف به ویژه در بخش های بازرگانی و مبارزه با تروریزم است.