در ادامه نگرانیهای جهان و منطقه از حضور و فعالیت گروههای تروریستی در افغانستان، سمیون گریگوریف، سفیر روسیه در تاجیکستان از حکومت سرپرست انتقاد کرده که به وعدههای خود در کار پیکار با هراسافگنان عمل نکردهاست. سمیون گریگوریف، سفیر روسیه در تاجیکستان در مصاحبه با خبرگزاری تاس گفتهاست که حکومت سرپرست افغانستان هنوز نتوانسته امنیت […]
در ادامه نگرانیهای جهان و منطقه از حضور و فعالیت گروههای تروریستی در افغانستان، سمیون گریگوریف، سفیر روسیه در تاجیکستان از حکومت سرپرست انتقاد کرده که به وعدههای خود در کار پیکار با هراسافگنان عمل نکردهاست.
سمیون گریگوریف، سفیر روسیه در تاجیکستان در مصاحبه با خبرگزاری تاس گفتهاست که حکومت سرپرست افغانستان هنوز نتوانسته امنیت مرزها را تأمین کند. سمیون گریگوریف گفت افراطگرایان در سال روان میلادی بارها تلاش کردند که از افغانستان به تاجیکستان نفوذ کنند. او در این مصاحبه تأکید کردهاست که کشورش هیچ پیشرفت خاصی را در وعدههای حکومت سرپرست در بخش تأمین امنیت کشورهای همسایه افغانستان نمیبیند: ″در طول سال جاری، افراطگرایان در تلاش نفوذ به خاک تاجیکستان از مرز افغانستان بودند که خوشبختانه تمام این حملات به سرعت توسط نیروهای امنیتی تاجیکستان سرکوب شدند.″
این دیپلومات روسیه همچنان نسبت به بحران بشری در افغانستان ابراز نگرانی کرده و گفتهاست که هجوم گسترده پناهجویان اخراجی از پاکستان این بحران را بیشتر میکند.
در همین حال، ذبیحالله مجاهد سخنگوی حکومت سرپرست میگوید که به کسی اجازه نمیدهند از خاک افغانستان علیه دیگر کشورها کار بگیرد.
این در حالیست که در ماه ثور امسال نیز کمیته امنیت ملی تاجیکستان اعلام کرد که دو عضو سازمانهای تروریستی بینالمللی که از مرز افغانستان وارد تاجیکستان شده بودند، هدف قرار گرفتند و کشته شدند.
Join us on Social Media
Noor TV on Facebook: https://www.facebook.com/Noortelevision
Noor TV on Instagram: https://www.instagram.com/noortv.af
Noor TV on Threads: https://www.threads.net/@noortv.af
Noor TV on Youtube: https://www.youtube.com/@NoorTV_af
NOOR TV News on Youtube: https://www.youtube.com/@NoorTV.af_NEWS
Noor TV on Twitter: https://twitter.com/noortv_af
Noor TV on Aparat: https://www.aparat.com/noortv.tv
Noor TV on Aparat: https://www.aparat.com/noortv.af
Noor TV Website: http://www.noortv.af
Noor TV Website: http://www.noortv.tv
Sunday, 19 May , 2024