دولت تاجیکستان گفته که روند بررسی هزاران درخواستی پناهندگی شهروندان افغانستان را با هم‌کاری سازمان ملل متحد از سر می‌‌گیرد.

طبق قانون پناهندگی تاجیکستان، متقاضیان پناهندگی ابتدا یک کارت سبز با اعتبار ۳ ماهه دریافت می‌‌کنند و سپس در صورت قبولی درخواست پناهندگی، به متقاضیان یک کارت سرخ داده می‌‌شود که دارنده آن در تاجیکستان رسما به‌عنوان پناهنده شناخته می ‌شود. تاجیکستان پس از سقوط افغانستان به دست امارت اسلامی در آگست سال گذشته میلادی، صدور کارت‌‌های پناهندگی به شهروندان افغانستان را متوقف کرد. بر بنیاد معلومات سازمان ملل هم اکنون بیش از ۱۴ هزار پناهجوی افغانستان در تاجیکستان بسر می‌برند. این افراد پس از سقوط دولت پیشین افغانستان به این کشور پناه بردند.